لاہور(پاکستان پوائنٹ نیوز17۔اکتوبر2017ء) وزیر اعلا پنجاب میاں شہباز شریف نال مریم نواز نے ملاقات کیتی‘ ملاقات دوران ملکی سیاسی صورتحال و پارٹی امور بارے وچار وٹاندرا کیتا گیا۔ میڈیا رپورٹس مطابق وزیر اعلا پنجاب میاں شہباز شریف نال مریم نواز نے ملاقات کیتی۔ ملاقات دوران (ن) لیگی رہنما حمزہ شہباز تے کیپٹن (ر) صفدر وی موجود سن۔ شہباز شریف نے مریم نواز نوں این اے 120وچ تواریخی کامیابی تے بھرپور انتخابی مہم چلان اُتے شاباش دتی۔
شہباز شریف نے مریم نواز توں بیگم کلثوم نواز دا حال وی پچھیا۔ ایس موقع تے گل بات کردے ہوئے وزیر اعلا پنجاب شہباز شریف نے آکھیا کہ اداریاں وچکار محاذ آرائی توں پرہیز کیتا جائے۔ ہر ادارے نوں اپنی حد وچ رہ کے کم کرنا چاہیدا۔ اداریاں وچکار غلط فہمیاں نہیں ہونیاں چاہیدیاں۔ اوہناں نے آکھیا کہ سیاسی ماحول وچ وی استحکام دی ضرورت اے۔ محاذ آرائی دی سیاست توں پرہیز کرنا چاہیدا۔
