پارٹی نوں کیپٹن (ر) صفدر دے بیان اُتے ایکشن دا سوچنا چاہیدا: وزیر خارجا خواجا آصف

اسلام آباد(پاکستان پوائنٹ نیوز16۔اکتوبر2017ء) پاکستانی وزیر خارجا خواجا آصف دا کیپٹن (ر) صفدر دے حوالے نال بیان ساہمنے آیا اے۔ نجی ٹی وی چینل دے پروگرام وچ گل بات کردے ہوئے وزیر خارجا خواجا آصف دا کہنا سی کہ کیپٹن (ر) صفدر دی وکھ سوچ اے اوہناں دی سوچ نال پارٹی دا کوئی تعلق نہیں پر اوہ آپ کیپٹن (ر) صفدر دے بیان نوں سپورٹ نہیں کردے ۔ خو اجا آصف دا ہور کہنا سی کہ پارٹی نوں کیپٹن (ر) صفدر دے بیان اُتے ایکشن دا سوچنا چاہیدا۔ اوہناں دا ہور کہنا سی کہ اوہ گھر ٹھیک کرن دے بیان اُتے اج وی قائم نیں۔ اوہناں دا ہور کہنا سی کہ امریکا نوں دس دتا اے کہ اوہناں نال دوستی گھاٹے دا سودا اے پر جے اوہ دوستی رکھنا چاہندے نیں تے تعلقات بہتر ہونے ضروری نیں۔