وڈیرے ماں پیو لئی سپریم کورٹ نے اہم فیصلا سنا دتا

لاہور(پاکستان پوائنٹ نیوز17۔اکتوبر2017ء) سپریم کورٹ نے وڈیرے ماں پیو لئی تواریخی فیصلا سنا دتا اے ،فیصلے مطابق ہن اولاد لئی وڈیرے ماں پیو نوں خرچہ دینا لازمی ہوئے گا۔ جے کوئی نافرمان اولاد انج نہیں کردی تے اوہنوں عدالت ولوں سزا دتی جاسکدی اے۔ میڈیا رپورٹس مطابق والدین نے ایس فیصلے نوں چنگا آکھیا اے۔ قانون دے تحت کوئی وی ماں پیو اپنی کفالت دا خرچہ اپنی اولاد توں لے سکدے نیں جے کوئی انج نہیں کردا تے اوہ فیملی سول عدالت نال رابطہ کر سکدے نیں۔ اولڈ ہوم وچ زندگی لنگھان والے ماں پیو وی ایس فیصلے دے چانن وچ اپنے بالاں توں خرچہ لے سکدے نیں۔ جو نافرمان اولاد اپنے ماں پیو نوں گھروں باہر کڈھ دیندی اے یاں اوہناں نوں خرچہ نہیں دیندی اوہدے نال ہن قانون نبڑے گا۔