اسلام آباد(پاکستان پوائنٹ نیوز14۔اکتوبر2017ء) وزیر داخلا احسن اقبال دا کہنا اے کہ مینوں دُکھ صرف ایس بیان نال ہویا سی کہ معیشت بری نہیں تے اینی چنگی وی نہیں۔ تفصیل مطابق وزیر داخلا احسن اقبال ولوں ڈی جی آئی ایس پی آر جنرل آصف غفور دی پریس کانفرنس اُتے ردعمل دیند ے ہوئے آکھیا گیا اے کہ مینوں دُکھ صرف ڈی جی آئی ایس پی آر دے بیان توں ہویا کہ معیشت بری نہیں تے اینی چنگی وی نہیں۔
احسن اقبال دا کہنا سی کہ سانوں ہن مایوسی نوں آس وچ بدلنا چاہیدا۔ اتحاد نال ای اسیں ملکی معیشت دا پاسا موڑ سکدے آں۔ اوہناں د ا کہنا سی کہ مثبت پہلواں نوں دنیا وچ اجاگر کرن لئی اک اواز ہونا چاہیدا۔ ویلا آ گیا اے کہ اسیں ملک بارے پراعتماد ہوئے تے دنیا دا اعتماد وی بحال کریے۔ احسن اقبال دا ہور کہنا سی کہ ساری عسکری و سول قیادت نیشنل سکیورٹی دے اجلاس وچ ملدی اے۔ جے کسے معاملے اُتے کسے نوں تحفظات نیں تے اوہ اجلاس دوران اوہدا اظہار کرن۔
