کراچی(پاکستان پوائنٹ نیوز13۔اکتوبر2017ء) عالمی رسالے ’دی اکانومسٹ‘ نے دنیا بھر دے 60محفوظ ترین شہراں دی لسٹ جاری کر دتی اے، لسٹ وچ کراچی آخری نمبر اُتے رہیا جو لسٹ وچ موجود واحد پاکستانی شہر سی۔ عالمی رسالے دے انٹیلی جنس یونٹ نے لسٹ وچ شامل 60شہراں نوں ڈیجیٹل‘ ہیلتھ‘ انفراسٹرکچر تے سکیورٹی دے پیماناں اُتے پرکھیا اے جدکہ ہر شعبے دے ذیلی شعبے بنا کے اوہناں دی نمبرنگ کیتی گئی اے۔
ٹوکیو 89.80پوائنٹس نال دنیا دا محفوظ ترین شہر قرار دتا گیا۔ سنگا پور 89.64پوائنٹس نال دوجے تے اوساکا 88.87پوائنٹس نال تیجے نمبر اُتے رہیا۔ فہرست وچ لندن 82.10پوائنٹس نال 20ویں‘ نیو یارک 81.01پوائنٹس نال 21ویں‘ فرانسیسی شہر پیرس 79.71پوائنٹس نال 24ویں جدکہ امریکی دارالحکومت واشنگٹن ڈی سی 80.37پوائنٹس نال 23ویں نمبر اُتے رہیا۔ لسٹ وچ اکلا پاکستانی شہر کراچی سی جو 38.77پوائنٹس نال 60ویں نمبر رہیا۔
