ملکی معیشت جے بری نہیں تے چنگی وی نہیں‘ رلکے ایس بارے گل بات دی ضرورت اے: آصف غفور

راولپنڈی(پاکستان پوائنٹ نیوز13۔اکتوبر2017ء) آئی ایس پی آر دے ڈائریکٹر جنرل میجر جنرل آصف غفور نے آکھیا اے کہ ملکی معیشت جے بری نہیں تے چنگی وی نہیں اے‘ رلکے ملکی معیشت بارے گل بات دی ضرورت اے‘ آرمی چیف نے ملکی معیشت نوں بہتر کرن لئی تجویزاں دتیاں‘ پاک فوج نے 5غیر ملکیاں نوں بازیاب کرایا اے‘ دہشت گرداں نے مغویاں نوں کرم ایجنسی توں پاکستان منتقل کیتا سی‘ پاکستانی فورسز نے خفیہ اطلاع اُتے کامیاب آپریشن کیتا۔

جمعرات نوں اک نجی ٹی وی نال گل بات کردے ہوئے میجر جنرل آصف غفور نے آکھیا کہ پاک فوج نے 5غیر ملکیاں نوں بازیاب کرا لیا اے۔ جہناں وچ کینیڈین شہری اوہناں دی بیوی تے تن بال شامل نیں۔ افعان دہشت گرداں نے 2012وچ ایس غیر ملکی خاندان نوں اغوا کیتا سی۔ دہشت گرداں نے مغویاں نوں براستہ کرم ایجنسی منتقل کیتا سی‘ پاکستان فورسز نے خفیہ اطلاع اُتے کامیابی آپریشن کیتا۔ اوہناں دا کہنا سی کہ کل شام 4وجے ساڈے نال انٹیلی جنس شیئرنگ ہوئی‘ ایہ اک چنگا آپریشن ہویا‘ جے انٹیلی جنس شیرئنگ ہوئے گی تے دہشت گردی دا خاتمہ ہوئے گا۔ آصف غفور دا کہنا سی کہ پاکستان اپنے ملک وچ جو کردا سی، اج دے آپریشن دا امریکیاں نے وی اعتراف کیتا۔