لشکر جھنگوی دے امیر دی گرفتاری اُتے 50 لکھ رُپئے انعام

کراچی(پاکستان پوائنٹ نیوز26۔اگست 2016ء) سندھ رینجرز نے کالعدم لشکر جھنگوی العالمی دے مفرور امیر دی گرفتاری اُتے 50 لکھ رُپئے انعام دا اعلان کر دِتا۔ ترجمان رینجرز نے لوکائی توں اپیل کیتی اے کہ دہشت گرد تے اوہناں دے ساتھیاں دی گرفتاری لئی لوکائی تعاون کرن۔ ترجمان نے دسیا کہ سید صدر عرف یوسف خراسنائی لشکر جھنگوی العالمی دا سرغنہ اے ۔اوہناں دا کہنا سی کہ دہشت گرداں نوں گرفتار کران والے نوں 50 لکھ رُپئے انعام دِتا جاوے گا۔ ترجمان رینجرز نے یقین دہانی کرائی اے کہ ملزماں دا پتا دین والے دا ناں راز وچ رکھیا جاوے گا۔