میٹرک بورڈ انور احمد زئی دا اک دِناں راہداری ریمانڈ منظور کر لیا

کراچی(پاکستان پوائنٹ نیوز26۔اگست 2016ء) احتساب عدالت نے چیئرمین کراچی میٹرک بورڈ انور احمد زئی دا اک دِناں راہداری ریمانڈ منظور کر لِتا۔ جمعے نوں قومی احتساب بیورو (نیب) دے تفتیشی افسر نے کراچی میٹرک بورڈ دے چیئرمین انور احمد زئی نوں احتساب عدالت وچ پیش کیتا، ایس دوران عدالت توں درخاست کیتی گئی کہ ملزم اُتے کرپشن تے غیر قانونی بھرتیاں دے الزام نیں تے ایس حوالے نال تفتیش کرنی اے۔ عدالت نے نیب دی درخاست منظور کردے ہوئے انور احمد زئی نوں اک دِناں راہدراری ریمانڈ اُتے نیب دے حوالے کر دِتا۔ یاد رہوے کہ پچھلے دِناں نیب نے کارروائی کردے ہوئے چیئرمین کراچی میٹرک بورڈ انور احمد زئی نوں اوہناں دے دفتر توں گرفتار کیتا سی۔