اسلام آباد فائرنگ کیس : سکندر دی قسمت دا فیصلا فیر نہ ہو سکیا

اسلام آباد(پاکستان پوائنٹ نیوز26۔اگست 2016ء) اسلام آباد دے تجارتی مرکز بلیو ایریا وچ فائرنگ دے ذریعے خوف کِھلارن والے ملزم سکندر دے مقدر دا فیصلا جمعے نوں وی نہ ہو سکیا۔ انسداد دہشت گردی عدالت دے جج دی چُھٹی پاروں فیصلا فیر لیٹ ہو گیا۔ جمعے نوں اسلام آباد دی انسداد دہشت گردی عدالت نے بلیو ایریا فائرنگ کیس دا فیصلا سُنانا سی۔ یاد رہوے کہ ملزم سکندر نے بندوق دے زور اُتے 16 اگست 2013 نوں وفاقی دارلحکومت دے اہم تجارتی علاقے بلیو ایریا نوں کئی گھنٹیاں تیکر یرغمال بنایا سی۔ ملزم سکندر اُتے 8 جنوری 2014 نوں فرد جرم عاید کیتی گئی سی۔