راولپنڈی(پاکستان پوائنٹ نیوز26۔اگست 2016ء) پولیس نے بنک ڈکیتیاں وچ ہون والے وادھے پاروں بنک ڈکیتیاں دی روک تھام لئی اقدامات کرن دا فیصلا کر لِتا اے۔ سی پی او اسرار عباسی نے ایس ایچ او نوں ہدایتاں جاری کر دِتیاں ۔ جاری کیتیاں گئیاں ہدایتاں دے مطابق بنکاں وچ موجود سکیورٹی عملے دی پن چھان تیکر بنکاں نوں بند رکھیا جاوے گا۔ اوہناں نے حکم دِتا کہ سکیورٹی عملے دی پُن چھن تیکر بنک نہ کھولے جان۔
اسرار عباسی نے دسیا کہ جہڑے بنکاں ں دی سکیورٹی بہت نہیں اوہناں نوں بند کرن دے احکامات جاری کیتے گئے نیں۔ بنک بند رکھن دے احکامات پچھلے دِناں ہون والیاں بنک ڈکیتیاں پاروں دِتے گئے۔ ایس توں وکھ بنکاں وچ موجود شیشے دے بوہے تے باریاں نوں ختم کر کے لوہے دے بوہے لان دی ہدایت کیتی گئی اے۔
