اسلام آباد(پاکستان پوائنٹ نیوز03۔اکتوبر2017ء) سابق وفاقی وزیر داخلا چودھری نثار نے مخالفاں دیاں امیداں اُتے پانی پھیر دتا۔ جنرل کونسل اجلاس وچ رلت کر کے تنقید کرن والیاں دے مونہ بند کر دتے، منتخب صدر نواز شریف نوں اوہناں دی سیٹ اُتے جاکے مبارکباد دتی۔ منگل نوں اجلاس وچ چودھری نثار نوں اجلاس وچ نہ ویکھ کے کئی گلاں ساہمنے آئیاں پر ایہ گلاں اوس ویلے دم دے گئیاں جدوں سابق وفاقی وزیر داخلا چودھری نثار علی خان اجلاس وچ رلت لئی پہنچ گئے۔
چودھری نثار علی خان اجلاس شروع ہون تے اک نکر وچ بیٹھے رہے۔ ایس توں پہلاں ایہ خبراں وی ساہمنے آئیاں سن کہ چودھری نثار علی خان نواز شریف نال اجلاس وچ رلت لئی کنونشن سنٹر آن گے پر اوہ اوہناں نال نہیں آئے تے کُجھ چِر پچھوں اوتھے پہنچے۔
