متحدہ نوں پاکستان توں آپریٹ کرن دا فیصلا پَکااے: فاروق ستار

اسلام آباد(پاکستان پوائنٹ نیوز25۔اگست 2016ء) متحدہ قومی موومنٹ دے ڈپٹی کنوینئر تے پارٹی دے سینئر رہنما فاروق ستار نے واضح کیتا اے کہ پارٹی دے فیصلے پاکستان توں کرن دا فیصلا مستقل بنیاداں اُتے کیتا گیا اے۔ اک انٹرویو وچ فاروق ستار نے آکھیا کہ اک مستقل مسئلا سی جہدا مستقل حل دِتا گیا اے۔ اوہناں نے آکھیا کہ سارے فیصلے تے پالیسی سازی پاکستان توں ہووے گی، پر مشورے اسیں لندن سنے پوری دُنیا توں لواں گے۔ اوہناں نے آکھیا کہ اسیں پاکستان دی سیاست کر رہے آں تے پارٹی ایتھے رجسٹرڈ اے، ایس لئی فیصلے وی ایتھے کرنے نیں۔ اوہناں نے آکھیا کہ لندن دی رابطا کمیٹی نوں ایہ گل ضرور پتا اے کہ جو اسیں فیصلے کرنے آں اوہ قوم تے اپنے ووٹراں دے مفاداں نوں سامنے رکھ کے کیتے جاندے نیں۔