اسلام آباد(پاکستان پوائنٹ نیوز25۔اگست 2016ء) محکما واپڈا نے بجلی دے بِلاں دی ریکوری دے لحاظ نال ضلعیاں دی بنیاد اُتے بجلی دی لوڈ شیڈنگ کرن دا شیڈول بنان دا فیصلا کیتا اے۔ وسیلیاں دے مطابق جہڑے ضلع وچ بجلی دے بلاں دی ریکوری 100فیصد ہووے گی اوتھے بجلی چوری دیاں وارداتاں نہ ہون دے برابر ہون تے اوس ضلع وچ بجلی دی لوڈ شیڈنگ دا دورانیا 1 توں 3 گھنٹے کیتا جاوے گا جدکہ جہڑے علاقیاں وچ بلاں دی ریکوری 50 توں 70 فیصد ہووے گی اوہناں علاقیاں وچ بجلی دی لوڈ شیڈنگ 4 توں 6 گھنٹے کیتی جاوے گی تے ایسے طرحاں 30 توں 40 فیصد ریکوری والے علاقیاں وچ لوڈ شیڈنگ 10 توں 14 گھنٹے کیتی جاوے گی۔
وسیلیاں دا کہنا اے اِنج کرن دا مقصداوہناں ورتیندڑاں نوں سہولتاں فراہم کرنا اے جو بجلی دے بل نہ صرف باقاعدگی نال دیندے نیں بلکہ اوہناں دے بلاں دی ادائیگی وی 100 فیصد اے تے اوہناں علاقیاں وچ بجلی چوری دیاں وارداتاں وی نہ نون دے برابر نیں۔ ایس عمل نال اِنج دے لوکاں نوں بلاں دی ادائیگی کرن دا شوق پیدا ہووے تے واپڈا نوں بہتر ریکوری ہووے گی جہدے توں اوہ اپنے خرچے پورے کر سکے گا۔
