پشاور(پاکستان پوائنٹ نیوز30۔ستمبر2017ء) عاشورہ دیہاڑ اُتے سکیورٹی خدشیاں کارن پاک افغان طورخم بارڈر دو دن لئی بند کردتا گیا اے‘ افغان مہاجراں دی واپسی دا عمل معطل‘ پیر توں رجسٹرڈ تے غیر رجسٹرڈ افغان مہاجراں دی واپسی دا عمل شروع ہوئے گا۔ تفصیل مطابق عاشورہ دیہاڑ نوں سکیورٹی خدشیا ں نوں مُکھ رکھدے ہوئے پشاور سنے ملک بھر توں افغان مہاجراں دی رضا کارانہ واپسی دا سلسلا عارضی طور اُتے دو دن لئی روک دتا گیا اے جدکہ ایس دوران پاک افغان طورخم باڈر وی بند رہوے گا۔
ایس توں وکھ یو این ایچ آر سی دے سینٹرز وی عارضی طور اُتے بند کر دتے گئے نیں۔ ایس حوالے نال افغانستان واپس جان والے افغان مہاجراں نوں دس دتا گیا اے۔ پیر توں رجسٹرڈ تے غیر رجسٹرڈ افغان مہاجراں دی واپسی دا عمل شروع ہوئے گا۔
