لاہور(پاکستان پوائنٹ نیوز23۔ستمبر2017ء) اورنج لائن ٹرین دی مُکھ وکھالی تقریب 7اکتوبر نوں ہوئے گی‘ میٹرو ٹرین دیاں بوگیاں کھڑیاں کرن لئی ڈیرہ گجراں وچ ڈپو دا 80فیصد کم پورا ہو گیا اے۔ میڈیا رپورٹس مطابق اورنج میٹرو ٹرین دی سٹرینگ کمیٹی دے چیئرمین خواجا احمدا حسان دی صدارت ہیٹھ اجلاس ہویا۔ اجلاس وچ اورنج میٹرو ٹرین دے تعیراتی منصوبے دا جائزہ لِتا گیا۔
خواجا احمد حسان نے ہدایت کیتی کہ ڈپو دیاں اندرونی سڑکاں دی اُساری چھیتی کیتی جائے تاں جے ٹریناں دی آمد تیکر ڈپو دیاں سڑکاں تیار ہو جان۔یاد رہوے کہ لاہور پہنچن اُتے پہلی اورنج لائن ٹرین دی مُکھ وکھالی تقریب 7اکتوبر نوں ہوئے گی۔تقریب وچ وزیر اعلا پنجاب میاں شہباز شریف تے پاکستان وچ چینی سفیر تے سی آر او آرنورنکو دے سربراہ رلت کرن گے۔
