راجگال(پاکستان پوائنٹ نیوز23۔ستمبر2017ء) راجگال وچ سرحد پار توں آئے دہشت گرداں نے پاکستانی چیک پوسٹ اُتے حملا کیتا۔ فائرنگ دے نتیجے وچ پاک فوج دے 22ورھیاں دے لیفٹیننٹ ارسلان عالم نے شہادت پائی۔ لیفٹیننٹ ارسلان دے بیلی نے سوشل میڈیا اُتے ارسلان نال ہوئی چیٹ دا سکرین شاٹ پوسٹ کیتا اے جہنوں پڑھ کے ہر بندہ دُکھی ہو گیا۔ بیلیاں وچکار ہوئی گل بات دے سکرین شاٹ وچ ویکھیا گیا کہ ارسلان دے بیلی نے اوہنوں پُچھیا کہ کیہ تُسیں وی آپریشن کر لیندے او؟ جہدے اُتے ارسلان نے آکھیا کہ نہیں اسیں کتھے‘ اسیں تے شہید ہون آئے آں تے گولی دی اُڈیک اے۔
جہدے اُتے اوہناں دے دوست نے آکھیا کہ جذباتی نہ ہو تے اپنا کم کر جا کے۔ لیفٹیننٹ ارسلان دی اپنے بیلی نال ہوئی ایس گل بات دا سکرین شاٹ سوشل میڈیا اُتے وائرل ہو گیا اے۔ جہنے سوشل میدیا ورتیندڑاں نوں دُکھی کر دتا۔ یاد رہوے کہ لیفٹیننٹ ارسلان عالم راجگال وچ کمانڈنگ افسر تعینات سی۔
