اسلام آباد(پاکستان پوائنٹ نیوز23۔اگست 2016ء) وزیر اعظم میاں نواز شریف دی صدارت ہیٹھ اعلا سطح دا اجلاس۔ تفصیل دے مطابق اجلاس وچ وفاقی داخلا وزیر چوہدری نثار علی خان، وفاقی وزیر خزانا اسحاق ڈار، ڈی جی آئی ایس آئی تے قومی مثیر قومی سلامتی ناصر خان جنجوعہ نے رلت کیتی۔ اجلاس دوران وزیر اعظم نواز شریف تے اجلاس دے رلتیاں نے ایم کیو ایم دے قائد دے پاکستان مخالف بیاناں دی مذمت کیتی۔
اجلاس وچ وفاقی داخلا وزیر چوہدری نثار علی خان ولوں کراچی دی صورتحال تے ایم کیو ایم قائد دے پاکستان مخالف بیان دے بعد پیدا ہون والی صورتحال توں وزیر اعظم نواز شریف تے اجلاس دے رلتیاں نوں آگاہ کیتاگیا۔ جہدے بعد اجلاس وچ قائد ایم کیو ایم خلاف برطانوی حکومت اگے کارروائی لئی سفارتی رابطے اُتے غور وی کیتا گیا۔ اجلاس وچ کراچی دی صورتحال نوں قابو پان لئی آیندا دی حکمت عملی اُتے وی غور کیتا گیا۔
ایس توں وکھ اجلاس وچ نیشنل ایکشن پلان اُتے عملدرآمد بارے وی جائزہ لِتا گیا۔ ایس دوران مثیر قومی سلامتی ناصر خان جنجوعہ نے نیشنل ایکشن پلان اُتے عملدرآمد کمیٹی دے پچھلے دیہاڑے ہون والے اجلاس بارے وی آگاہ کیتا۔ ناصر جنجوعہ نے نیب اُتے عملدرآمد بارے جائزہ کمیٹی دے اجلاس اُتے بریفنگ دین دے نال نال نیکٹا سنے متعلقا اداریاں تے اتھارٹیز نوں دِتے گئے ٹاسک بارے وی بریف کیتا۔
وزیر اعظم نے کراچی وچ امن دے قیام اُتے رینجرز تے پولیس حکام دی کم کاری نوں سلاہیا۔ اوہناں نے کراچی وچ امن و امان دے قیام لئی صوبائی حکومت نوں مکمل تعاون فراہم کرن دی ہدایت کیتی۔ اجلاس وچ فیصلا کیتا گیا کہ بیرون ملک بہ کسے نوں کراچی دا امن تباہ کرن دی اجازت نہیں دیاں گے جدکہ اجلاس دوران کراچی تے سندھ سنے ملک بھر وچ شرپسند خلاف کارروائیاں نوں ہور تیز کرن اُتے وی اتفاق کیتا۔
