ایم کیو ایم پنجاب دے جنرل سیکرٹری دا الطاف حسین دے بیان توں لاتعلقی دا اعلان

لاہور(پاکستان پوائنٹ نیوز23۔اگست 2016ء) ایم کیو ایم پنجاب دے جنرل سیکرٹری نے الطاف حسین دے بیان توں لاتعلقی دا اعلان کر دِتا، جدکہ پارٹی دے شر پسنداں خلاف سخت کارروائی کرن دا وی مطالبا کیتا اے۔ منگل دے دیہاڑے ایم کیو ایم پنجاب دے سیکرٹری جنرل وسیم کھوکھر دا کہنا سی کہ میڈیا ؤسز اُتے حملے دی نندیا کردے آں، قائد تحریک دا بیان متحدا دی پالیسی توں وکھ اے جہدے توں اسیں لاتعلقی دا اعلان کردے آں، ساڈا جینا مرنا پاکستان نال اے، اوہناں نے آکھیا کہ ساڈا ایجنڈا پاکستان زندہ باد توں شروع ہو کے پاکستان پائندہ باد اُتے ختم ہوندا اے۔ وسیم کھوکھر نے مطالبا کیتا کہ شرپسند عناصر خلاف بھاویں اوہ کسے وی پارٹی توں ہوون قانونی کارروائی کیتی جاوے۔