کوئٹہ: سکیورٹی فورسز تے دہشت گرداں وچکار فائرنگ دا وٹاندرا‘10دہشت گرد ہلاک

کوئٹہ(پاکستان پوائنٹ نیوز01۔ستمبر2017ء) ہرنائی دے علاقے وچ سکیورٹی فورسز تے دہشت گرداں وچکار فائرنگ دا وٹاندرا ہویا‘ فائرنگ دے نتیجے وچ 10دہشت گرد ہلاک ہو گئے۔ سکیورٹی فورسز مطابق ہلاک ہون والے دہشت گرداں دیاں لاشاں نوں ہرنائی ہسپتال منتقل کر دتا گیا۔ اطلاع مطابق پچھلے دیہاڑے سکیورٹی فورسز دے عملے نے بلوچستان دے علاقے ہرنائی دے پہاڑی علاقیاں وچ دہشت گرداں ولوں بنائے گئے تربیتی کیمپاں خلاف آپریشن کیتا۔ آپریشن دوران دہشت گرداں تے سکیورٹی فورسز وچکار فائرنگ دے وٹاندرے دے نتیجے وچ 10دہشت گرد ہلاک ہو گئے۔ سکیورٹی فورسز نے دہشت گرداں دے تربیتی مرکز تباہ کرن دے نال نال اوتھوں وڈی ماترا وچ اسلحہ‘ گولا بارود‘ راکٹ لانچر‘ دستی بم تے ہور مواد قبضے وچ لے لیا۔