الیکشن کمیشن دا نادرا نوں خط : این اے 120دا فنگر پرنٹس بائیو میٹرک ڈیٹا منگ لیا

اسلام آباد(پاکستان پوائنٹ نیوز01۔ستمبر2017ء) الیکشن کمیشن نے نادرا توں این اے 120دا بائیو میٹرک ڈیٹا منگ لیا اے‘ جہدے لئی الیکشن کمیشن نے وی نادرا نوں خط لکھ دتا اے۔ میڈیا رپورٹس مطابق الیکشن کمیشن نے نادرا نوں ووٹرز دا مکمل تے تفصیلی بائیو میٹرک ڈیٹا دین دی درخاست کر دتی اے۔ الیکشن کمیشن نے نادرا نوں این اے 120دے ووٹراں دے مکمل فنگر پرنٹس دی فراہمی لئی خط لکھ دتا اے۔ الیکشن کمیشن دا کہنا اے کہ این اے 120دے 29ہزار توں ودھ ووٹراں دا فنگر پرنٹس ڈیٹا کول نہیں۔ این اے 120دے رجسٹرڈ ووٹراں دی گنتی 3لکھ 21ہزار 786اے۔ جہدے وچوں 29ہزار 607ووٹراں دے فنگر پرنٹس بائیو میٹرک ڈیٹا موجود نہیں۔