پشاور(پاکستان پوائنٹ نیوز28۔اگست2017ء) پاکستان تحریک انصاف دے سابق صوبائی وزیر ضیاء اللہ آفریدی دے پاکستان پیپلز پارٹی وچ رلتی ہون مگروں تحریک انصاف دا ردعمل ساہمنے آیا اے۔ پاکستان تحریک انصاف دا کہنا اے کہ ضیاء االلہ آفریدی دا پیپلز پارٹی وچ جان دا فیصلا اوہناں دی شخصیت دی عکاسی کردا اے۔ صوبائی وزیر اطلاعات شاہ فرمان دا کہنا اے کہ کابینہ توں کڈھے گئے بندے خلاف 2015توں کرپشن دیاں تحقیقات جاری نیں۔
اوہناں دا کہنا سی کہ کرپشن وچ ضیاء اللہ آفریدی دی مہارت پاروں پیپلز پارٹی وچ جانا اوہناں لئی بہت ضروری اے۔ اوہ پیپلز پارٹی وچ رلت لئی پوری قابلیت وی رکھدے نیں۔ چیتے رہوے کہ ضیاء اللہ آفریدی نوں 2015وچ پشاور احتساب کمیشن نے کرپشن وچ ملوث ہون دی وجہ توں گرفتار کیتا سی پر بعدوں عمران خان نے پارٹی اجلاس سد کے مشورے مگروں ضیاء االلہ آفریدی نوں پارٹیوں کڈھ دتا سی۔
