ذوالحج دا چن نظر نہیں آیا، وڈی عید 2ستمبر ہفتے والے دن ہوئے گی

کراچی(پاکستان پوائنٹ نیوز22۔اگست2017ء) پاکستان وچ وڈی عید دا چن نظر نہیں آیا عید دو ستمبر نوں ہوئے گی۔ تفصیل مطابق کراچی وچ ہون والا مرکزی رویت ہلال کمیٹی دا اجلاس ختم ہو گیا اے۔ اجلاس مفتی منیب الرحمان دی صدارت ہیٹھ ہویا۔ اجلاس دوران ملک دے کسے علاقے وی توں چن نظر نہیں آیا۔ جہدے مگروں عید ہفتے دے دیہاڑے دو ستمبر نوں ہوئے گی۔ ایس حوالے نال مفتی منیب الرحمان نے سرکاری اعلان کر دے ہوئے آکھیا کہ پہلی ذوالحج 24اگست نوں ہوئے گی۔ مفتی منیب الرحمان ولوں دسیا گیااے کہ کراچی سنے ملک دے کئی علاقیاں وچ بدل صاف نہیں سن۔ جہدے کارن ملک دے کسے حصے وچ وی چن نظر نہیں آیا جدکہ محکمہ موسمیات تے فلکیات دے ماہراں نے وی اج چن نظر نہ آن دی پیشنگوئی کیتی سی۔