لاہور(پاکستان پوائنٹ نیوز22۔اگست2017ء) تحریک انصاف ویمن ونگ ریجن ہزارہ دی صدر مومنہ باسط نے آکھیا اے کہ پارٹی چھڈن بارے سوشل میڈیا اُتے ہون والا میرے خلاف پرواپیگنڈا بے بنیاد اے جہدی نندیا کردی آں، پی ٹی آئی میری جماعت اے، پارٹی چھڈ کے کیتے نہیں جا رہی۔ اوہناں نے سوشل میڈیا اُتے جاری کیتے گئے اپنے ویڈیو پیغام وچ آکھیا کہ میرے خلاف سوشل میڈیا اُتے پارٹی چھڈن بارے بے بنیاد گلاں کیتیاں جا رہیاں نیں۔
جہناں دی میں نندیا کرنی آں۔ مومنہ دا کہنا سی کہ میں تحریک انصاف وچ رلت اک آئیڈیالوجی دے تحت کیتی سی۔ تاں جے پی ٹی آئی دی کرپشن خلاف جو کوششاں نیں اوہناں وچ اپنا کردار نبھا سکاں۔ اوہناں نے آکھیا کہ میں ہر پلیٹ فارم اُتے ایس گل دی تصدیق کیتی اے کہ پی ٹی آئی ای میری پہلی تے آخری جماعت اے۔
