لاہور(پاکستان پوائنٹ نیوز21۔اگست2017ء) کلثوم نواز ولوں اک ہفتے مگروں پاکستان واپس آن دا اعلان کیتا گیا اے۔ تفصیل مطابق سابق وزیر اعظم نواز شریف دی گھر والی بیگم کلثوم نواز اجکل علاج کارن لندن وچ نیں۔ لندن توں کلثوم نواز دے حوالے نال اطلاع آئی اے کہ اوہناں نے ہن تیکر 3وار ڈاکٹری معائنہ کروان توں وکھ اپنے میڈیکل ٹیسٹ وی کروائے نیں۔ ایہناں ٹیسٹاں دیاں رپورٹاں ہفتے دے اندر اندر آ جان گیاں۔
ایس حوالے نال (ن) لیگ دے وسیلیاں نے اعلان کیتا اے کہ کلثوم نواز اک ہفتے مگروں پاکستان آ جان گیاں۔ کلثوم نواز دی ملک واپسی نہ ہون دیاں اطلاعواں جھوٹھیاں نیں۔ا وہناں دا کہنا سی کہ کلثوم نواز چھیتی پاکستان آ کے این اے 120دے ضمنی الیکشن دی مہم وچ حصہ لین گیاں۔یاد رہوے کہ کلثوم نواز اپنے شوہر نواز شریف دی نااہلی مگروں اوہناں دی خالی ہون والی سیٹ این اے 120توں (ن) لیگ ولوں ضمنی الیکشن وچ حصہ لے رہیاں نیں۔حلقے وچ ووٹ 17ستمبر نوں پین گے۔
