مشہور مذہبی سکالر مولانا طارق جمیل دا وڈی عید اُتے نمائش لئی قربانی کرن والیاں لئی پیغام

مشہور مذہبی سکالر مولانا طارق جمیل دا وڈی عید اُتے نمائش لئی قربانی کرن والیاں لئی پیغام

لاہور(پاکستان پوائنٹ نیوز21۔اگست2017ء) مشہور مذہبی سکالر مولانا طارق جمیل نے وڈی اُتے نمائش لئی قربانی کرن والیاں لئی پیغام جاری کر دتا اے۔ ویڈیو پیغام وچ مولانا طارق جمیل دا کہنا اے کہ وڈی عید الاضحی جہنوں قربانی دی عید وی آکھیدے آں، اُتے جنور ذبح کرن دے حوالے نال کُجھ لوک بہت ای مہنگے جنور مُل لیندے تے ذبح کردے نیں پر ایہناں وچوں وڈی گنتی ایہ کم صرف ضد یاں مقابلے بازی لئی کردی اے۔

اوہناں دا کہنا سی کہ ایس طرحاں بالکل نہ کیتا جائے بلکہ جے اک انسان 20لکھ دا جنور لے کے ذبح کردا اے تے اوہنوں چاہیدا کہ اوہ 25لکھ دے بکرے یاں فیر دنبے لیا کے ذبح کر دیوے جہدے نال غریباں وچ گوشت وی ونڈیا جائے گا تے قربانی دا ثواب 7گنا ودھ کے 20گنا ہو جائے گا۔ مولانا طارق جمیل نے قربانی دے ثواب بارے دسیا کہ قربانی دے جنور تے جُسے اُتے جنے وال ہوندے نیں قربانی کرن والے بندے نوں اونا ثواب ملدا اے پر مہنگے جنور مُل لین توں بہتر اے کہ انسان ایہناں پیسیاں نال کئی جنور لے کے غریباں وچ ونڈ دیوے۔ انج ثواب وی ودھ ملے گا۔