کراچی(پاکستان پوائنٹ نیوز19۔اگست 2016ء) وزیر اعظم نواز شریف نے کراچی وچ وار شپ فلیٹ ٹینکر دا افتتاح کر دتا۔ تفصیل دے مطابق ریئر ایڈمرل حسن ناصر نے وزیر اعظم نواز شریف نوں وار فلیٹ ٹینکر دا ماڈل پیش کیتا۔ وار شپ فلیٹ ٹینکر کراچی وچ پاک بحریا دے بیڑے وچ شامل ہو گیا۔ جمعے نوں پاک بحریا دے بیڑے وچ ٹینکر دی رلت دی افتتاحی تقریب نال خطاب کردے ہوئے وزیر اعظم نے آکھیا کہ فلیٹ دی تیاری اُتے وزارت دفاعی پیداوار مبارکباد دی حق دار اے۔
فلیٹ ترکی دی ایس ٹی ایم کمپنی دے تعاون نال تیار کیتا گیا۔ دوویں ملکاں وچکار دفاع دے شعبے وچ تعاون نوں ہور فروغ دیوے گا۔ اوہناں نے آکھیا کہ ترکی تے ساڈے معاشرتی، سماجی تے تہذیبی تعلقات نیں۔ پاکستان دے آزادی دیہاڑ اُتے ایس ٹینکر نوں تحفے دے طور اُتے پیش کرن تے اسیں ترکی دا شکریا ادا کرنے آں۔ اوہناں نے آکھیا کہ مستقبل وچ ایس طرحاں دے ہور ٹینکر تیار کیتے جان گے۔
وزیر اعظم دا کہنا سی کہ پاکستان تے ترکی بہترین دوست نیں، ترکی ولوں دِتا گیا ایہ وار شپ ٹینکر قوم لئی آزادی دا تحفہ اے۔ اسیں ترکی دے نال اپنے تعلقات نوں ہور مضبوط کرنا چاہندے آں۔ اوہناں نے آکھیا کہ پاکستان تے ترکی دی دوستی ہر آزمائش اُتے پوری اُتردی اے۔ وزیر اعظم نے افتتاحی تقریب نال خطاب دے دوران شپ یارڈ ملازماں لئی اک ارب رُپئے بونس دا اعلان کیتا۔فلیٹ ٹینکر نوں کوٹگ دے ذریعے سمندر وچ لاہیا گیا۔
