پیپلز پارٹی دا حکومتی کرپشن دے معاملیاں نوں انجام تیکر پہنچان دا فیصلا

پیپلز پارٹی دا حکومتی کرپشن دے معاملیاں نوں انجام تیکر پہنچان دا فیصلا

لندن(پاکستان پوائنٹ نیوز19۔اگست 2016ء) لندن وچ سابق صدر آصف علی زرداری تے پیپلز پارٹی دے چیئرمین بلاول بھٹو وچکار ملاقات ہوئی، ملاقات دوران دوویں رہنماواں نے آکھیا اے کہ حکومت نال نہ مفاہمت ہووے گی نہ رعایت، پاناما لیکس سنے حکومتی کرپشن دے معاملیاں نوں انجام تیکر پہنچایا جاوے گا۔ایس دوران پیپلز پارٹی نے حکومت نال پردے پِچھے ملاقات دیاں خبراں نوں گمراہ کن قرار دِتا۔

تفصیل دے مطابق لندن وچ آصف علی زرداری تے بلاول وچکار لَمی ملاقات ہوئی، ملاقات دے دوران پاناما لیکس، الیکشن کمیشن وچ وزیر اعظم خلاف دائر ریفرنس تے ہور معاملیاں اُتے وچار وٹاندرا کیتا گیا۔ پیپلز پارٹی دی قیادت نے فیصلا کیتا کہ پاناما لیکس سنے حکومتی کرپشن دے معاملیاں نوں انجام تیکر پہنچایا جاوے گا۔ پیپلز پارٹی دی قیادت نے اتفاق کیتا کہ پارلیمنٹ، الیکشن کمیشن، عدالتاں تے سڑکاں سنے حکمراناں خلاف ہر رستا اختیار کیتا جاوے گا۔ قیادت نے اتفاق کیتا کہ اپوزیشن نوں بلیک میل کرن دے حکومتی حربے ناکام ہون گے۔