عمان(پاکستان پوائنٹ نیوز17۔اگست2017ء) عمان وچ اک 16ورھیاں دی نوجوان کُڑی دا ویاہ 65ورھیاں دے شیخ نال کروا دتا گیا۔ تفصیل مطابق کُڑی دی ماں سیدہ اُنیسہ نے دائر کیتی درخاست وچ اپیل کیتی اے کہ اوہدی نوجوان دھی نوں مسقط توں واپس بھارت لیاندا جائے۔ سیدہ نے الزام لایا کہ اوہدی دھی دا ویاہ بڈھے نال کر دتا گیا اے جہدا ذمے وار اوہدا خاوند تے اوہدی بھین اے۔
درخاست وچ کُڑی دی ماں نے دسیا کہ میں شیخ نال اپنی دھی دے ویاہ اُتے راضی نہیں سی پر میرے شوہر سکندر نے رمضان توں پہلاں اک ہوٹل وچ قاضی نوں سد کے نکاح کروا دتا۔ درج کروائی گئی ایف آئی آر وچ سیدہ نے ہور دسیا کہ شیخ دا کہنا سی کہ اوہنے میری دھی نوں 5لکھ رُپئے دے بدلے مُل لیا اے۔ تے ایہ پیسے شیخ نے میرے شوہر سکندر نوں دتے۔شیخ صرف پیسیاں دی واپسی تے ای میری دھی نوں واپس بھارت گھلن تے راضی اے۔
