لاہور(پاکستان پوائنٹ نیوز15۔اگست2017ء) پاکستان تحریک انصاف دی حلقہ این اے 120توں نامزد امیدوار ڈاکٹر یاسمین راشد نے آکھیا اے کہ اقتدار وچ آن والے حکمراناں نے ملک نوں دو دو ہتھاں نال لُٹیا اے، کرپٹ تے بددیانت لوکاں توں پاک کر کے ملک نوں ترقی یافتہ قوماں دیاں صفاں وچ کھلارن دا ویلا آ گیا اے۔ سانوں ساریاں نوں امن وامان دی ودھوتری اتے بھائی چارے تے جذبہ حب الوطنی لئی شعور پیدا کرنا پئے گا۔
اوہ مرکزی انتخابی دفتر وچ کارکناں نال گل بات کر رہیاں سن۔ اوہناں نے آکھیا کہ (ن) لیگ دی حکومت لوکائی نوں ڈلیور کرن وچ ڈاڈھی طرحاں ناکام ہو گئی اے۔ حلقہ این اے 120دے لوک بنیادی سہولتاں توں محروم نیں۔ نواز شریف نے لوکائی دے مسئلے حل کرن دی بجائے مسائل وچ وادھا کیتا اے۔ اوہناں دا کہنا سی کہ حلقے دے لوک اپنے ووٹ دی طاقت نال حکمراناں دا احتساب کرن گے تے انشاء اللہ پی ٹی آئی وڈی گنتی وچ ووٹ لے کے کامیاب ہوئے گی۔
