پاکستان عوامی تحریک ولوں بیگم کلثوم نواز دے کاغذات نامزدگی اُتے اعتراض چُکیا گیا اے

لاہور(پاکستان پوائنٹ نیوز15۔اگست2017ء) عوامی تحریک نے بیگم کلثوم نواز دے کاغذات نامزدگی اُتے اعتراض چفکدے ہوئے چیلنج کر دتا اے۔ سابق وزیر اعظم نواز شریف دی نااہلی مگروں قومی اسمبلی دی سیٹ لئی لاہور دے حلقہ این اے 120وچ ضمنی الیکشن 17ستمبر نوں ہوئے گا جہدے لئی مسلم لیگ (ن) ولوں بیگم کلثوم نواز نوں امیدوار متھیا گیا اے۔ تحریک انصاف نے اک وار فیر ڈاکٹر یاسمین راشد نوں ایس حلقے وچ امیدوار متھیا اے۔

ایس توں وکھ علاقے وچ آزاد امیدوار وی حصہ لے رہے نیں ۔ پاکستان عوامی تحریک ولوں بیگم کلثوم نواز دے کاغذات نامزدگی اُتے اعتراض چُکیا گیا اے۔وسیلیاں مطابق عوامی تحریک ولوں اشتیاق چودھری نے ریٹرننگ افسر محمد شاہد نوں درخاست جمع کروائی اے۔ درخاست وچ آکھیا گیا کہ بیگم کلثوم نواز نے کاغذات وچ اقامہ ظاہر کیتا پر اقامے دا سمجھوتا لُکایا۔ اوہناں نے قامے وچ ملن والی تنخاہ ظاہر نہ کردے ہوئے اقامے وچ اپنا عہدہ وی ظاہر نہیں کیتا جو ڈپٹی چیئرپرسن دا اے۔