اسلام آباد(پاکستان پوائنٹ نیوز14۔اگست2017ء) نجی ٹی وی چینل دے پروگرام وچ گل بات کردے ہوئے مشہور پرچاکار ڈاکٹر شاہد مسعود نے آکھیا کہ ایہ لوک انقلاب تے نواں آئین لیان دیاں گلا کر رہے نیں۔ ڈاکٹر شاہد مسعود دا کہنا سی کہ نویں آئین وچ کیہ لکھیا ہوئے گا؟ کیہ خون معاف ہون گے؟ کیہ ملک دا پیسہ باہرلے ملک لیجا کے جائیداداں بنانا جائز اے؟ نواں آئین اوہ شخصیتاں لیا رہیاں نیں جو جرائم پیشہ نیں۔
ایہناں نیب وچ پھڑے جانا اے۔ڈاکٹر شاہد مسعود دا کہنا سی کہ آئین دے بنیادی اصول ہوندے نیں تے دوجی گل ایہ اے کہ ہن اسمبلی کیہ کرے گی؟ اوہناں نے آکھیا نواز شریف دے قریبی دوست تے وزیر دس رہے نیں کہ جدوں شاہد خاقان عباسی غیر ملکی سفیراں نال ملنا شروع کرن گے تے ایہ لوک اوہناں نوں وی برداشت نہیں کرن گے، اوہناں نوں آکھ دین گے کہ اسمبلی توڑ دیو تے فیر اوہدے مگروں لوکائی دی ہمدردی لین لئی آؤندے الیکشن وچ ووٹ لین گے۔
