لورالائی: دکی وچ دہشت گردی دی کوشش ناکام بنا دتی گئی، 3دہشت گرد گرفتار

لورالائی: دکی وچ دہشت گردی دی کوشش ناکام بنا دتی گئی، 3دہشت گرد گرفتار

لورالائی(پاکستان پوائنٹ نیوز14۔اگست2017ء) دکی وچ سکیورٹی فورسز نے دہشت گردی دی کوشش ناکام بناندے ہوئے تن دہشت گرداں نوں گرفتار کر لیا۔ ڈی پی او دکی نور محمد مطابق پیر نوں آزادی دیہاڑ دی تقریب دوران بلوچستان دے علاقے لورالائی دی تحصیل دکی وچ کوئٹہ توں تعلق رکھن والے تن دہشت گرداں نوں گرفتار کر کے دہشت گردی دی کوشش نوں ناکام بنا دتی گئی اے۔

ایس موقعے تے تن دہشت گرداں نوں دکی منتقل کرن والے سرغنہ فرار ہوگئے۔ گرفتار ہون والے دہشت گرداں دیاں عمراں 10توں 12سال نیں۔ ڈی پی او نے ہور دسیا کہ تنوں بالاں دا تعلق کوئٹہ دے علاقے غوث آباد توں اے۔ جہناں نوں اک مدرسے توں ورغلا کے لیاندا گیا سی۔ تفتیش دوران بالاں نے 14اگست دے موقعے تے ہون والے جلسے وچ تخریب کاری کرن دا اعتراف کیتا۔