شیخ رشید دے اکاؤنٹ وچ مہینے پچھوں وڈی رقم آؤندی اے، شیخ رشید عمران خان دا مخبر اے: حنیف عباسی

لاہور(پاکستان پوائنٹ نیوز12۔اگست2017ء) مسلم لیگ (ن) دے سینئر رہنما حنیف عباسی نے آکھیا اے کہ شیخ رشید عمران خان دا مخبر اے، شیخ رشید دے اکاؤنٹ وچ مہینے پچھوں وڈی رقم آؤندی اے، عمران خان باہرلیاں طاقتاں دے آکھن تے پاکستان نوں شام تے مصر بنانا چاہندے نیں۔ میڈیا رپورٹس مطابق (ن) لیگی رہنما حنیف عباسی نے نجی ٹی وی نال گل بات کردے ہوئے دسیا کہ شیخ رشید ساتھیاں توں پُچھ رہے نیں کہ چیک کرو اکاؤنٹ وچ پیسے آ گئے؟ شیخ رشید دے اکاؤنٹ وچ مہینے پچھوں وڈی رقم آؤندی اے۔ کجھ لوک اوہناں نوں ایس لئی پیسے دیندے نیں کہ اوہناں توں اپنا کم کروا سکن۔اوہناں دا کہنا سی کہ عمران خان باہرلیاں طاقتاں دے آکھن تے پاکستان نوں شام تے مصر بنانا چاہندے نیں۔ شیخ رشید عمران خان دا مخبر اے۔