وزیر اعظم شاہد خاقان عباسی پارٹی دے ناراض رہنما غوث علی شاہ دے گھر پہنچ گئے

وزیر اعظم شاہد خاقان عباسی پارٹی دے ناراض رہنما غوث علی شاہ دے گھر پہنچ گئے

کراچی(پاکستان پوائنٹ نیوز12۔اگست2017ء) وزیر اعظم شاہد خاقان عباسی پارٹی دے ناراض رہنما غوث علی شاہ دے گھر پہنچ گئے نیں، ملاقات دوران ملک دی سیاسی صورتحال بارے وچار وٹاندرا۔ میڈیا رپورٹس مطابق وزیر اعظم شاہد خاقان عباسی اج اک دِنا دورے تے کراچی پہنچے نیں۔ ایس موقعے تے وزیر اعظم شاہد خاقان عباسی نے کراچی وچ امن و امان دے حوالے نال اجلاس دی صدارت کیتی۔

ایس موقعے اوہناں ایم کیو ایم رہنماواں سنے تاجر برادری نال ملاقات کیتی۔ بعدوں وزیر اعظم شاہد خاقان عباسی (ن) لیگ دے سینئر رہنما غوث علی شاہ نال ملاقات کرن لئی اوہناں دے گھر گئے۔ وزیر اعظم شاہد خاقان عباسی نے ایس موقعے تے غوث علی شاہ نال سیاسی صورتحال بارے وچار وٹاندرا کیتا۔ وزیر اعظم دا کہنا سی کہ میں نواز شریف دا پیغام لے کے آیا واں۔

بیتے ویلے جو غلطیاں ہوئیاں اوہناں نوں معاف کرو۔ غوث علی شاہ نے آکھیا کہ تُسیں ٹُر کے میرے گھر آئے تہاڈے لئی میری بہت عزت اے۔ میاں صاحب جدوں اقتدار وچ سن تے اپنے بیگانے دی پہنچان بھل گئے سن۔میاں صاحب نوں آکھ دینا سچے تے پرانے دوست ای بُرے ویلے کم آؤندے نیں۔ میاں صاحب نے قدر نہیں کیتی سندھ دے لوک اینے وی بُرے نیں۔ یاد رہوے کہ (ن) لیگ دے سینئر رہنما غوث علی شاہ پچھلے کئی ورھیاں توں پارٹی نال ناراض نیں۔