ضمنی الیکشن این اے 120:کلثوم نواز دے کاغذات نامزدگی الیکشن کمیشن وچ چیلنج

ضمنی الیکشن این اے 120:کلثوم نواز دے کاغذات نامزدگی الیکشن کمیشن وچ چیلنج

لاہور(پاکستان پوائنٹ نیوز12۔اگست2017ء)سابق وزیراعظم نواز شریف دی بیوی کلثوم نواز دے حلقہ این اے 120وچ َضمنی الیکشن لئی جمع کرائے گئے کاغذات نامزدگی نوں الیکشن کمیشن وچ چیلنج کر دتا گیا اے۔ تفصیل مطابق الیکشن کمیشن وچ ایڈووکیٹ سرفراز نے عام لوکاں دے فائدے (مفاد عامہ) وچ درخاست دائر کردے ہوئے آکھیا اے کہ سپریم کورٹ نے پاناما فیصلے وچ نواز شریف بارے فیصلا دتا کہ اوہ صادق و امین نہیں نیں جہدے مگروں نواز شریف دے ناں نوں پارٹی الیکشن وچ نہیں ورتیا جا سکدا پر ایس سارے فیصلے مگروں کلثوم نواز نے مسلم لیگ (ن) دے پلیٹ فارم توں کاغذات نامزدگی جمع کرائے نیں۔

مسلم لیگ (ن) دا لفظ نواز شریف دے ناں دی علامت ظاہر کردا اے۔ سپریم کورٹ دے فیصلے مگروں مسلم لیگ (ن) دا لفظ الیکشن وچ ورتیا نہیں جا سکدا، ایس لئی این اے 120توں مسلم لیگ (ن) دی امیدوار کلثوم نواز دے کاغذات نامزدگی نوں رد کیتا جائے۔