لاہور(پاکستان پوائنٹ نیوز12۔اگست2017ء) سابق وزیر اعظم نواز شریف دا اسلام آ باد توں لاہور پہنچن تے ہزاراں بندیاں نے چاہواں نال استقبال کیتا جہناں وچ سوانیاں تے بالاں دی وڈی گنتی وی موجود سی، لاہور دے مختلف علاقیاں تے لاگے دے ضلعیاں توں کارکناں دی وڈی گنتی ریلیاں دی شکل وچ متِھے ویلے توں کئی گھنٹے پہلاں ای داتا دربار پہنچ گئی۔ تفصیل مطابق پاکستان مسلم لیگ (ن) ولوں سابق وزیرا عظم نواز شریف دے اسلام آباد توں لاہور پہنچن تے اوہناں دا چاہواں نال استقبال کرن لئی ن لیگی کارکناں دا میلا جہیا لگیا ہویا اے۔
شہر بھر توں آن والیاں ریلیاں دے استقبال لئی تھاں تھاں کیمپ لائے گئے نیں جتھے نواز شریف نوں جی آیاں آکھیا جا رہیا اے۔ نواز شریف دی لاہور آمد نوں مُکھ رکھدے ہوئے شہر بھر دیاں سڑکاں تے قیادت دیاں تصویراں والے ہورڈنگز تے فلیکساں لائیاں گئیاں نیں۔ ریلیاں دی صورت وچ آن والے کارکن سارے راہ اپنی قیادت دے حق وچ نعرے لاندے رہے۔ ریلیاں دی صورت وچ آن والے کارن دی وجہ توں کئی سڑکاں تے ٹریفک دا نظام اُگھڑ دُگھڑ رہیا۔
