لاہور(پاکستان پوائنٹ نیوز12۔اگست2017ء) تحریک انصاف دے مرکزی رہنما فواد چودھری نے آکھیا اے کہ ایہ سُن سُن کے کن پک گئے نیں کہ ساڈے خلاف سازش ہوئی اے پر کوئی ایہ نہیں دس رہیا کہ سازش ہوئی کتھوں اے؟ریلی وچ پارٹی دی قیادت شامل نہیں اے، ملک نوں انھیریاں ول لیجایا جا رہیا اے۔ پچھلے دیہاڑے لاہور وچ پریس کانفرنس کردے ہوئے فواد چودھری دا کہنا سی کہ لالہ موسی نیڑے حادثے وچ بال دے ہلاک ہون دا بہت دُکھ اے، حادثے ہو جاندے نیں پر ایہدے مگروں کیپٹن صفدر و خواجا سعد رفیق دا بیان زخماں تے لون پان دے برابر اے۔
اوہناں دا کہنا سی کہ ایس ریلی وچ صرف واجا پارٹی شامل اے۔ مسلم لیگ (ن) دی سیاست ختم ہو رہی اے۔ نواز شریف بار بار آکھدے نیں کہ اوہناں خلاف سازش ہوئی۔ نواز شریف دسدے کیوں نہیں کہ اوہناں خلاف سازش کہنے کیتی۔ نواز شریف عدالتی سوالاں دے جواب نہیں دے سکے۔ ملک دی سبھ توں وڈی عدالت نے نواز شریف نوں نااہل کیوں کیتا اے۔ اوہناں نے آکھیا کہ جے آئی بنن تے (ن) لیگ نے مٹھیائیاں ونڈیاں سن۔ شریف خاندان نے سپریم کورٹ تے اعتماد دا وکھالا کیتا سی۔ سپریم کورٹ دیاں تحقیقات نواز شریف دی خاہش سی۔
