مسلم لیگ (ن) دی ریلی وچ شامل اک گڈی نے 12ورھیاں دے بال نوں مِدھ دتا۔ بال دے وارثاں مطابق اوہ پِٹدے رہے پر گڈی رُکن دی بجائے بال نوں مِدھدی اگانہ چلی گئی
گجرات(پاکستان پوائنٹ نیوز11۔اگست2017ء) اج گجرات نیڑے مسلم لیگ (ن) دی ریلی وچ شامل اک گڈی نے 12ورھیاں دے بال نوں مِدھ دتا۔ بال دے وارثاں مطابق اوہ پِٹدے رہے پر گڈی رُکن دی بجائے بال نوں مِدھدی اگانہ چلی گئی۔ تفصیل مطابق اج دُپہر ویلے مسلم لیگ (ن) دی ریلی وچ شامل اک گڈی نے بارھاں ورھیاں دے بال نوں اوس ویلے مِدھ دتا جدوں اوہ ریلی وچ شامل گڈیاں اُتے پُھل بوٹے بنا رہیا سی۔
بارھاں ورھیاں دا رحمت لالہ موسی دا واسی سی۔ وارثاں نے میڈیا نال گل بات کردے ہوئے آکھیا کہ 265نمبر کالے رنگ دی پجارو نے رحمت نوں مِدھیا۔ بال دے چاچے نے میڈیا نال گل بات کردے ہوئے آکھیا کہ اسیں آوازں دیندے رہے پر گڈی نہیں رُکی۔ عینی شاہد دا کہنا سی کہ گڈی والے نوں پتا چل گیا سی کہ بال ہیٹھاں آ گیا اے پر اوہنے رُکنا گوارا نہیں کیتا۔
