بلیک لسٹ امریکی شہری نوں 48 گھنٹیاں وچ ڈی پورٹ کرن دا حکم

راولپنڈی(پاکستان پوائنٹ نیوز18۔اگست 2016ء) راولپنڈی عدالت نے بلیک لسٹ امریکی شہری میتھوبیرٹ نوں ڈی پورٹ کرن دا حکم جاری کر دتا اے۔ امریکی شہری دی ملک بدری دا حکم سپیشل جج سینٹرل نے دِتا اے۔ تفصیل دے مطابق راولپنڈی دی عدالت وچ امریکی شہری دی ملک بدری دے حوالے نال کیس دی سنوائی کردے ہوئے جج نے امریکی شہری دی ملک بدری دا حکم دِتا اے۔ سنوائی دوران ایف آئی اے دے تفتیشی افسر نے امریکی شہری میتھیو بیرٹ دی ملک بدری لئی داخلا وزارت دے نوٹی فکیشن دی اصل کاپی پیش کیتی۔ جہدے تے سپیشل جج سینٹرل نے میتھیو نوں 48گھنٹیاں وچ ملک بدری دا حکم دِتا۔ جدکہ عدالت نے ایف آئی اے اہلکاراں دی ضمانت منظور کردے ہوئے دو ملزماں نوں اک اک لکھ رُپئے دے مچلکے جمع کروان دا حکم وی دِتا۔