باکسر عامر خان دا تھر دے مختلف پنڈاں دا دورا، واٹر پمپ وی ونڈے

باکسر عامر خان دا تھر دے مختلف پنڈاں دا دورا، واٹر پمپ وی ونڈے

تھر(پاکستان پوائنٹ نیوز18۔اگست 2016ء) برطانوی باکسر عامر خان نے تھر دے مختلف پنڈاں دا دورا کیتا۔ تفصیل دے مطابق سندھ دے غریب ترین علاقیاں وچوں اک تھر دے واسیاں دی مَندی حالت تے بُھکھ پیاس دا دُکھ معروف پاکستانی نژاد برطانوی باکسر عامر خان نوں تھر وچ کھچ لیایا۔ باکسر عامر خان اپنی گھر والی دے نال ہیلی کاپٹر دے ذریعے ننگر پارکر دے علاقے میراواہ پہنچے جِتھے اوہناں نے قانون نافذ کرن والے اداریاں دے جواناں دے نال اسلام کوٹ دے پنڈ، سوجا ویری تے جوڑو دا دورا کیتا جِتھے اوہناں نے مقامی بندیاں وچ ہینڈ پمپ وی ونڈے۔

ایس موقع اُتے عامر خان دا کہنا سی کہ تھر وچ پانی تے صحت دے شعبیاں وچ بہتری لی اوہ صوبائی حکومت نال بھرپور تعاون کرن گے تے ایتھوں دی عوام دی بہتری لئی اپنا کردار نبھاون گے۔