حافظ سعید نوں الیکشن لڑن دی آزادی ہونی چاہیدی، اوہناں دی تنظیم کدی کسے دہشتگرد کارروائی وچ ملوث نہیں رہی: پرویز مشرف

دبئی(پاکستان پوائنٹ نیوز09۔اگست 2017ء) پرویز مشرف دا کہنا اے کہ حافظ سعید نوں سیاسی سرگرمیاں دی اجازت ہونی چاہیدی۔ تفصیل مطابق سابق صدر و آرمی چیف جنرل پرویز مشرف نے نجی ٹی وی چینل نال گل بات کردے ہوئے آکھیا کہ حافظ سعید نوں نظر بند کرنا تے اوہناں دی تنظیم نوں واچ لسٹ وچ پانا ٹھیک نہیں اے۔ پرویز مشرف دا کہنا سی کہ حافظ سعید یاں اوہناں دی تنظیم کدی کسے دہشت گرد کارروائی وچ ملوث نہیں رہی۔ حافظ سعید دی تنظیم کشمیر دے جہاد وچ شامل ضرور رہی اے پر پاکستان نوں کدی اوہناں دی تنظیم نے نقصان نہیں پہنچایا۔ پرویز مشرف دا کہنا سی کہ حافظ سعید نوں سیاسی سرگرمیاں دی اجازت ہونی چاہیدی۔ حافظ سعید تے اوہناں دی تنظیم تے اقوام متحدہ دیاں پابندیاں ناجائز نیں۔