الیکشن کمیشن نے ارکان اسمبلی توں اثاثیاں دیاں تفصیلاں منگ لئیاں

اسلام آباد(پاکستان پوائنٹ نیوز04۔اگست 2017ء) الیکشن کمیشن آف پاکستان نے سارے ارکان اسمبلی توں اثاثیاں دیاں تفصیلاں منگ لئیاں نیں۔ تفصیل مطابق الیکشن کمیشن نے ارکان اسمبلی نوں اثاثیاں دیاں تفصیلاں جمع کروان دا حکم دے دتا اے۔ گوشوارے جمع کروان لئی فارم الیکشن کمیشن آف پاکستان دی ویب سائٹ توں حاصل کیتے جا سکدے نیں۔ تفصیل جمع کروان دی آخری تاریخ 30نومبر اے۔ الیکشن کمیشن مطابق 30نومبر تیکر اثاثیاں دیاں تفصیلاں نہ جمع کروان والے ارکان دی رکنیت معطل کر دتی جائے گی۔