اسلام آباد(پاکستان پوائنٹ نیوز04۔اگست 2017ء) سابق وزیر اعظم نواز شریف ضمنی الیکشن لئی کسے امیدوار نوں ٹکٹ نہیں دے سکدے۔ الیکشن کمیشن دے وسیلیاں دا کہنا اے کہ قانون مطابق صرف پارٹی سربراہ ای کسے امیدوار نوں الیکشن لرن لئی اپنی جماعت دا ٹکٹ جاری کر سکدا اے جدکہ نواز شریف وزارت عظمی لئی نااہل ہون دے نال نال پارٹی دی سربراہی کرن دے اختیار توں محروم ہو گئے نیں جے اوہناں ولوں کسے امیدوار نوں ٹکٹ جاری کیتا جاند ااے تے اوہ غیر قانونی متھیا جائے گا جدکہ سابق وزیراعظم ولوں پارٹی عہدا نہ چھڈن تے امیدوار نوں شیر دا انتخابی نشان نہ ملن دا خدشا اے۔
دوجے پاسے الیکشن کمیشن آف پاکستان ولوں جاری ہون والے شیڈول مطابق انتخابات دا حصہ بنن دے خاہشمند امیدوار اپنے کاغذات نامزدگی 10توں 12اگست تیکر جمع کر سکدے نیں۔
