لاہور: شریف فیملی ولوں شوگر ملاں منتقل کرن بارے کیس دا فیصلا چالو مہینے سنائے جان دا امکان

لاہور(پاکستان پوائنٹ نیوز03۔اگست 2017ء) شریف فیملی ولوں شوگر ملاں منتقل کرن بارے کیس دا فیصلا چالو مہینے سنائے جان دا امکان۔ چیف جسٹس منصور علی شاہ دی سربراہی وچ دو رکنی بنچ نے فیصلا محفوظ کیتا اے۔ اگست دے تیجے ہفتے عدالت شریف فیملی دیاں شوگر ملاں بارے اہم کیس دا فیصلا سنائے گی۔ تحریک دے رہنما جہانگیر ترین نے شریف فیملی ولوں تن شوگر ملاں منتقل کیتے جان دے اقدام نوں چیلنج کیتا سی۔

درخاست وچ موقف اختیار کیتا گیا کہ شریف فیملی نے غیر قانونی طریقے نال شوگر ملاں نوں منتقل کیتا ۔ چودھری شوگر مل‘ اتفاق شوگر مل‘ حسیب وقاص شوگر مل دے وکیلاں نے دو رکنی بنچ ساہمنے موقف اپنایا کہ نویں شوگر مل بنان تے پابندی اے پر شوگر ملاں دی منتقلی تے کوئی پابندی نہیں ایس لئی عدالت شوگر ملکاں دی منتقلی نوں کالعدم قرار دیوے۔ چیتے رہوے کہ دو رکنی بنچ نے سارے دلائل سنن مگروں 25مئی 2017نوں فیصلا محفوظ کر لیا سی جو اگست دے تیجے ہفتے سنایا جائے گا۔