اسلام آباد(پاکستان پوائنٹ نیوز31۔جولائی 2017ء) مسلم لیگ (ن) دے نامزد عبوری وزیر اعظم شاہد خاقان عباسی نے آکھیا اے کہ وزیر اعظم بنن مگروں وزیر اعظم ہاؤس وچ نہیں رہواں گا‘ قیادت توں درخاست کیتی اے کہ مینوں اپنے گھر وچ ای رہن دین۔ اوہناں نے اج میڈیا نال گل بات کردے ہوئے آکھیا کہ شیخ رشید نے جو اعتراض لائے اوہناں دی کوئی حیثیت نہیں۔ میرے کاغذات تے اعتراض وچ جان نہیں سی۔
اوہناں نے آکھیا کہ نویں وفاقی کابینا دا فیصلا پارٹی قیادت دے مشورے نال کراں گا۔ وزیر اعظم بنن مگروں وزیر اعظم ہاؤس نہیں منتقل ہوواں گا۔ دوجے پاسے سپیکر قومی اسبملی سردار ایاز صادق نے وزیر اعظم لئی کاغذات نامزدگی دی پُن چھان کیتی۔ سپیکر نے شیخ رشید دے اعتراض رد کر کے شاہد خاقان عباسی دے کاغذآت نامزدگی منظور کر لئے۔ا یس توں وکھ سپیکر نے شیخ رشید‘ نوید قمر‘ کشور زہر تے صاحبزادہ طارق اللہ دے وی کاغذات نامزدگی منظور کیتے نیں۔
