عمران خان نال شیخ رشید دی ملاقات‘ پاناما کیس جِتن تے مبارکباد دتی

اسلام آباد(پاکستان پوائنٹ نیوز29۔جولائی 2017ء) تحریک انصاف دے چیئرمین عمران خان نال عوامی مسلم لیگ دے سربراہ شیخ رشید نے ملاقات کیتی‘ ملاقات دوران شیخ رشید نے عمران خان نوں پاناما کیس دی جِت اُتے مبارکباد دتی۔ میڈیا رپورٹس مطابق بنی گالا وچ عمران خان تے شیخ رشید وچکار ہون والی ملاقات وچ ملک دی سیاسی صورتحال بارے وچار وٹاندرا کیتا گیا۔ ایس موقعے تے عمران خان نے سربراہ عوامی مسلم لیگ نوں جلسے وچ آن دی دعوت وی دتی۔ جہنوں شیخ رشید نے قبول کر لیا۔ عمران خان نے آکھیاکہ پاناما کیس تے عدالتاں دا فیصلا تحسین جوگ اے جدکہ جے آئی ٹی ممبراں نے پاناما پیپرز دیاں تحقیقات کر کے چنگا کم کیتا اے۔اوہناں دے ایس کم تے عدالت تے جے آئی ٹی نوں ہمیشہ یاد رکھیا جائے گا۔