صدر نیشنل بنک سعید احمد دا ناں واچ لسٹ و چ پا دتا گیا

صدر نیشنل بنک سعید احمد دا ناں واچ لسٹ و چ پا دتا گیا

اسلام آباد(پاکستان پوائنٹ نیوز29۔جولائی 2017ء) صدر نیشنل بنک سعید احمد دا ناں واچ لسٹ وچ پا دتا گیا اے۔ تفصیل مطابق ملک بھر دے ائر پورٹس حکام نوں دس دتا گیا اے کہ صدر نیشنل بنک سعید احمد نوں باہرلے ملک نہ جان دتا جائے۔ میڈیا رپورٹس مطابق صدر نیشنل بنک سعید احمد نوں سابق وفاقی وزیر خزانا اسحاق ڈار دا قریبی دوست سمجھیا جاندا اے۔ سعید احمد توں اسحاق ڈار دے معاملے تے اہم ثبوت ملے سن۔ جہدے مگروں اوہناں نوں ایس کیس وچ اہم سمجھیا جا رہیا اے۔ ایس لئی سعید احمد بارے کراچی سنے ملک بھر دے سارے ائر پورٹس حکام نوں دس دتا گیا اے کہ سعید احمد نوں ملکوں باہر نہ جان دتا جائے۔