لاہور(پاکستان پوائنٹ نیوز28۔جولائی 2017ء) شہباز شریف نوں نواز شریف دی سیٹ این اے 120لاہور توں ای ضمنی الیکشن لڑوان دا فیصلا کیتا گیا اے۔ تفصیل مطابق نواز شریف نوں سپریم کورٹ دے اُچیچے بنچ ولوں نااہل قرار دے دتا گیا اے۔ نواز شریف نوں نااہل قرار دتے جان مگروں اوہناں دی سیٹ این اے 120خالی ہو گئی اے۔ ایس حوالے نال الیکشن کمیشن ولوں نوٹی فکیشن وی جاری کر دتا گیا اے۔
ہن (ن) لیگ دے وسیلیاں ولوں دسیا گیا اے کہ شہباز شریف نوں ملک دا نواں وزیر اعظم بنان دا فیصلا کیتا گیا اے۔ شہباز شریف نوں لاہور دے حلقہ این اے 120توں ای ضمنی الیکشن لڑوان دا فیصلا کیتا گیا اے۔ ایس حوالے نال حتمی اعلان اک ‘ دو دناں وچ کر لیا جائے گا۔ دوجے پاسے الیکشن کمیشن نے ضمنی الیکشن کروان لئی تیاریاں شروع کر دتیاں نیں۔ الیکشن کمیشن حلقے و چ 60دناں اندر الیکشن کروان دا پابند اے۔
