راولپنڈی (پاکستان پوائنٹ نیوز17۔اگست 2016ء) راولپنڈی دی کسٹم کورٹ دا ماڈل ایان دے عدالت وچ پیش نہ ہون اُتے عدالت نے خفگی دا اظہار کردے ہوئے ماڈل نوں 31 اگست تیکر پیش ہون دی مہلت دے دِتی۔ تفصیل دے مطابق بدھ دے دیہاڑے راولپنڈی دی کسٹم عدالت وچ ماڈل ایان علی کرنسی کیس دی سنوائی ہوئی۔ ایس دوران ایان علی دی لیگل ٹیم دے رکن خرم کھوسہ نے عدالت وچ ایان علی دی حاضری توں مستقل استثنی دی درخاست پیش کردے ہوئے دلیل دِتی کہ ایان علی نے کراچی دی عدالت وچ پیش ہونا اے ایس لئی حاضری توں استثنی دِتا جاوے۔
جدکہ جج رانا آفتاب نے ایان علی دے پیش نہ ہون اُتے خفگی دا اظہار کردے ہوئے درخاست لین توں انکار کردے ہوئے حکم دِتا کہ ایان علی نوں عدالت وچ پیش کیتا جائے۔ایس دوران ایان علی دے وکیل خرم کھوسہ دا کہنا سی کہ چالان جمع ہون دے باوجود گواہاں نوں دو وار نوٹس جاری کیتے گئے۔ گواہاں نوں آکھیا گیاکہ جے تفتیش وچ شامل ہوئے تے تہاڈے خلاف کارروائی کراں گے، جدکہ مقتول کسٹم انسپکٹر اعجاز دے مقدمے وچ وی میرے موکل نوں شامل کیتا گیاجدکہ مقتول انسپکٹر دا ایس کیس نال دور دور تیکر تعلق نہیں۔
ایس دوران وکیل ولوں اُچی بولن تے جج نے ریمارکس دِتے کہ تُسیں اُچی آواز وچ گل نہ کرو، اُچا بولن نال کُجھ نہیں ہو سکدا۔ جہدے بعد عدالت نے ماڈل دی حاضری توں اک دن دی چھٹی منظور کردے ہوئے حکم دِتا کہ ماڈل نوں31 اگست نوں عدالت وچ پیش کیتا جاوے۔
