حکومت دا مستنصر حسین تارڑ نوں ستارہ امتیاز دین دا فیصلا

لاہور (پاکستان پوائنٹ نیوز17۔اگست 2016ء) پاکستان دے معروف ناول نگار مستنصر حسین تارڑ نوں پاکستان حکومت ولوں ملک دے تیجے وڈے اعزاز نال نوازیا جاوے گا مستنصر حسین تارڑ نے اُردو توں وکھ پنجابی وچ وی اک ناول ”پکھیرو“ دے ناں نال لکھیا اے۔ تفصیل دے مطابق وفاقی وزارت اطلاعات ولوں جاری کیتے گئے اک نوٹی فکیشن دے مطابق مختلف شعبیاں توں تعلق رکھن والے 132 بندیاں نوں سول ایوارڈ نال نوازیا جاوے گا۔ یاد رہوے کہ پاکستانی ہدایتکار و اداکار سرمد کھوسٹ نوں وی پرائڈ آف پرفارمنس ایوارڈ دِتا جاوے گا ایس توں وکھ شوبز تے میوزک توں تعلق رکھن والے بندیاں نوں وی سول ایوارڈ دِتے جان گے۔ جدکہ ایوارڈ ونڈن دی تقریب آن والے ورھے 23 مارچ نوں منعقد کیتی جاوے گی۔